Hanesan ita hotu hatene katak, dezastre naturais sempre akontese iha Timor-Leste. Tuir Dadus Nasional husi Autoridade Proteção Civil informa katak, inundasaun akontese iha teritoriu Nasional hodi afeta ba uma kain hamutuk 274 ne'ebe hetan estragus iha fulan Jullu,2023. Ho nue'e atu minimiza risku ba inundasaun refere, komunidade sira presija implementa etapa ha'at (4) ne'ebe bele prevene inundasaun. Wainhira etapa hirak ne'e mak komunidade halo tuir, sei reduz impaktu ne'ebe bo'ot husi inundasaun.
Iha maneira importante balun ne'ebe presija halo antes tempu udan atu nune'e bele prevene inundasaun. Etapa ha'at (4) ne'ebe mak mensiona iha leten sa'i hanesan maneira ida hodi minimiza inundasaun, mak hanesan tuir mai ne'e:
- Kuidadu Ambiente: hanesan la bele so'e foer arbiru iha fatin publiku hanesan valeta, mota no luron selae bele halo intupidu ba bee dalan hodi bele hamosu inundasaun wainhira akontese udan.
- Prevene halo konstruksi bo'ot no uma iha mota ninin: ida ne'e sa'i hanesan kauza ida hodi akontese inundasaun no komunidade sira nia uma desorganizada.
- Evita tesi ai arbiru: no aplika programa kuda ai-horis atu halo rejenerasaun ba ai-horis iha ai-laran atu sa'i matak, hodi la bele fo impaktu ba ekosistema no hamenus dezestre naturais.
- Hamos valeta no mota: halo limpeza jeral ho komunidade sira hodi hamos foer ne'ebe mak iha valeta no mota ninin, atu bee dalan la bele intupidu ho nune'e bee naksulin tuir nia dalan.
Ho etapa hirak ne'ebe mensiona, espera katak komunidade sira aplika iha moris loron-loron. Nafatin aplika moris ijiene no saudavel, halo konsulta ba iha fasilidade saude ne'ebe besik karik akontese moras no halo evakuasaun ba vitima sira husi inundasaun.
Hakerek husi:
- Clavio António Mendes Belo,L.Ed
- Sonia Castro de Jesus Paixão Luan
.png)
.png)
Tidak ada komentar:
Posting Komentar