This is default featured slide 1 title

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

This is default featured slide 4 title

Go to Blogger edit html and find these sentences.Now replace these sentences with your own descriptions.

This is default featured slide 5 title

Go to Blogger edit html and find these sentences.Now replace these sentences with your own descriptions.

03 November 2018

Funsaun Kodigu SWIFT?

Refinamentu teknolojia informasaun aumenta rapidamente husi tinan ba tinan no fornese impaktu positivu mos ba refinamentu sistema teknolojia bankaria. Variu fasilidade no produtu bankaria aumenta signifikativamente. Agora, kuaze banku tomak iha mundu konektadu ba malu, fornese variu konveniensia, seguransa, no prosesu transaksaun lais husi nasaun ne'ebe deit.

Ida husi atendementu bankaria mak frekuente kliente halo maka transferensia osan. Opsaun transferensia osan entre banku ou diferente banku agora sinti fasil tebes. Atividade transferensia osan bele bainhira deit, iha ne'ebe deit, la komplikadu, lais no seguru. Ita bele simu osan husi banku mak lokalizadu iha entranjeiru ou banku lokal. Kliente banku la presija prekupa tamba kada teknolojia bankaria projetadu ona para proteja informasaun transaksaun kliente ho seguru.

Konaba SWIFT
Society for Worldwide Interbank Financial Telecommunication ou sigla husi SWIFT, nudar asosiasaun ho edifisiu sentral iha Belgia, SWIFT fornese atendementu para konekta entre banku iha mundu, hafasil troka informasaun hanesan transferensia entre kliente banku no seluk-seluktan. SWIFT somente konekta deit banku iha mundu tomak no la direitu para hatene kontidu husi transaksaun refere. SWIFT ajuda klientes para padroniza no automatiza transaksaun finanseiru. Objetivu husi SWIFT rasik para hamenus ou redus risku kustu operasional, hatun kustu, no mos hafasil operasaun transaksaun informasaun entre banku iha mundu.

SWIFT mos ajuda fornese variu informasaun finanseriu mak nesesariu iha atividades transaksaun husi banku hotu mak nudar membru iha SWIFT. Informasaun importante hotu mak iha atividades transaksaun protezidu iha ambiente mak seguru no garantidu husi variu asaun abuza ou kriminalidade finanseriu.

Funsaun Kodigu SWIFT
Kodigu SWIFT ou kunyesidu mos ho naran Bank Identifier Code (BIC), nudar kodigu uniku mak konsisti husi husi 8 ou 11 karater alfanumeriku. Kada karater kodigu SWIFT disponivel signifikadu diferentes. Letra 4 dahuluk maka kodigu husi banku refere, letra 2 prosimu maka kodigu nasaun no letra 2 seluktan maka kodigu lokalizasaun. Kodigu SWIFT utilizadu para identifika instituisaun finanseiru mak involvidu iha asosiasaun SWIFT, ho nune'e kodigu SWIFT kada banku diferentes no la igual. Bele dehan katak, kodigu SWIFT hanesan mos identidade banku wainhira hala'o transaksaun finanseiru online internasionalmente.
Ezemplu Kodigu SWIFT BNU
Notas:
Kodigu SWIFT ne'e projetadu para ajuda superadu komplesidades transaksaun informasaun bankaria iha mundu tomak. Karik ita hakarak manda ou simu osan husi estranjeiru tantu atraves transferensia banku ou kartaun kreditu, ita presija kodigu ne'e. Kodigu SWIFT ne'e importante tebes, transaksaun finanseriu ezemplu transferensia osan  sei falha karik ita la utiliza kodigu SWIFT.

Lista Kodigu SWIFT Banku Iha Timor-Leste
Tuir mai lista kodigu SWIFT banku-banku mak ezisti iha Timor-Leste:


Kuandu hatene ona konaba funsaun kodigu SWIFT, ita la sinti tauk ou la mosu duvida wainhira hakarak hala'o atividade transaksaun bankaria internasionalmente. Transferensia osan entre banku bele realiza bainhira deit, iha ne'ebe deit ho fasil, seguru no lais, karik kodigu SWIFT destinasaun banku ita hatene ona.

02 November 2018

Diferensia Entre Kartaun Kreditu & Kartaun Debitu

Kuandu koalia konaba Kartaun Kreditu no Kartaun Debitu, kartaun rua ne'e nudar maneira transaksaun sem utiliza osan fiziku ( Non-Cash ) mak bele hafasil ita iha kada atividades transaksaun tomak, ho nune'e ita la presija ona hodi osan iha karteira laran.

Disponivel vantajen no desvantejen husi kartaun rua ne'e mak bele sai nudar referensia antes ita desidi ne'ebe mak hakarak ita uza.


Introdusaun Kartaun Kreditu
Kartaun kredit nudar instrumentu transaksaun Non-Cash ne'ebe fornesidu husi banku bodik ba pagamentu sasan ou servisu mak ne'ebe simu prosesu pagamentu ho kartaun kreditu, jeralmente utiliza EDC merchant ( Electronic Data Capture ). Karik hakarak kria Kartaun Kreditu la obrigatoriu tenki loke rekening banku, maibe tenki kumpri rekizitus mak fornesidu husi banku. Kartaun Kreditu mos bele temi ho naran Kartaun Tusan tamba kualker transaksaun ho Kartaun Kreditu sei ita selu iha fulan ou tinan ikus no jeralmente ema temi ho naran Pos-Pagu ( Post-Paid ).

Vantajen Kartaun Kreditu :
  • Bele kompras konforme ita sem prekupa osan hotu, tamba osan mak disponivel iha kartaun kreditu maka osan husi banku mak orsida sei selu iha tempu mak determinadu ona.
  • Ate agora kartaun kredit nudar kartaun transaksaun Non-Cash mak aseitavel iha ne'ebe deit, tamba kartaun kredit nudar produtu konfiavel husi banku.
  • Disponivel oferta espesial mak normalmente oferese diskontu funan ou taxa juru husi banku. 
Desvantajen Kartaun Kreditu : 
  • Disponivel taxa juru, tamba osan mak ita uza husi kartaun kredit maka osan imprestimu husi banku, karik tarde ita selu fatura, ita mos sei selu multa adisional.
  • Osan la'os propriedade ita nian, ho nune'e diak liu transaksaun tuir apropriadu kondisaun finansas, tamba kuandu transaksaun ou kompras fora husi abilidade, no kbi'it laek para selu fatura, banku sei fo vista negativu no pior liu ita nian naran tama ba lista metan (Blacklist) banku. Mesmu as vezes disponivel termu “pagamentu minimu” maibe presija hare'e didiak taxa juru iha faturamentu sei aumenta a'as.

Introdusaun Kartaun Debitu
Kartaun debitu nudar instrumentu transaksaun Non-Cash ne'ebe fornesidu husi banku bodik ba pagamentu sasan ou servisu mak ne'ebe simu prosesu pagamentu ho kartaun debitu, jeralmente utiliza EDC merchant ( Electronic Data Capture ). Maneira kria kartaun debitu tenki loke rekening banku, rekizitu loke rekening iha banku la araska tamba somente fornese kartaun identidade ( Eleitoral / BI / Pasaporte ) no osan bodik ba saldo inisial. Kartaun debit bele rekarega saldo, tamba transaksaun hotu ho kartaun debit utiliza osan husi saldo rekening ita nian, ou jeralmente temi ho naran Pre-Pagu (Pre-Paid)

Vantajen Kartaun Debitu :
  • Osan diretamente dedutivel / reduzidu husi saldo rekening, ho nune'e, ita bele kompras sem presija prekupa ho tusan tamba osan mak utilizadu husi saldo rekening rasik.
  • Karik hakarak kria kartaun debit ita somente presija loke rekening sem presija aneksu rekizitu hanesan ezemplu fotokopia dokumentus konaba salariu.
Desvantajen Kartaun Debitu :
  • Disponivel limitasaun atendementu, iha Timor-Leste kuaze banku hotu fornese limitasaun atendementu ba kartaun debit, ezemplu wainhira kompras ou transaksaun iha nasaun liur mak suporta kartaun debit Mastercard / Visa no seluk-seluktan. As vezes kartaun debit rejeitadu, hanesan mos bodik ba verifika atendementu online hanesan Paypal, Skrill, Neteller no seluktan.
  • La bele kompras liu husi fundus mak disponivel iha rekening. Ezemplu ita hakarak kompras ou sosa telemovel ho folin $100, maibe iha saldo rekening menus husi $100, kondisaun refere sei afeita transaksaun rejeitadu tamba saldo la permiti.
To'o ne'e deit informasaun konaba diferensia Kartaun Kreditu no Kartaun Debitu, esperadu informasaun iha leten bele sai hanesan referensia ba belun sira hotu.